Vasilije Micić i Aleksej Pokuševski bili su među najzaslužnijima za pobjedu Šarlota protiv Bruklina.
Vasilije Micić i Aleksej Pokuševski donijeli su pobjedu Šarlotu protiv Bruklina (110:99) u NBA ligi. Tandem srpskih košarkaša postigao je ključne poene u momentima kada se meč lomio. Vasa je upisao dabl-dabl (12, 10as, 5sk), dok je Aleksej za 8 minuta dao 7 poena, uz 2 skoka.
Meč je riješen sredinom posljednje dionice kada je Micić izveo magiju, dodao loptu iza leđa Pokuševskom koji je pogodio trojku, pa je već u sljedećem napadu isti tandem riješio meč. Vasa je asistirao, Aleksej pogodio za dvocifrenu prednost (101:90), pet poena koji su “+6” pretvorili u nedostižnih “+11” i stavili tačku.
Najefikasniji kod pobjednika bio je Majls Bridžis (24, 10sk), dok je u timu Netsa najbolji bio Kem Tomas (31). Ova pobjeda ujedno je obradovala i Bogdana Bogdanovića koji je sa Atlantom sve bliži mjestu u plej-in turniru. Netsi jure Hokse na 10. mjestu i sada imaju četiri pobjede više i priliku da protiv Nju Orleansa uvećaju prednost.
Darko Rajaković je sa Torontom poslije produžetka izgubio od Portlanda (128:118) i sve je dalji od borbe za doigravanje. Reptorsi su sada na skoru 23-41 i oni jure Atlantu koja ima 29-34, između njih je Bruklin sa 25-39, a iza Šarlot sa 16-48.
REZULTATI:
- Šarlot – Bruklin 110:99
- Detroit – Dalas 124:142
- Golden Stejt – San Antonio 113:126
- Finiks – Boston 107:117
- Denver – Juta 142:121
- Portland – Toronto 128:118*
- *poslije produžetka
