Njemački stručnjak se brani!
Bajern prolazi kroz velike probleme i već je najavljeno da će Tomas Tuhel otići, a da bi umjesto njega mogao tvorac čuda u Bajeru, Ćavi Alonso. Njemački trener usred oluje brani sebe i tvrdi da nije samo onaj ko pravi greške.
“Jedina stvar koja je sada bitna je da stvari budu postavljene jasno. To je dobro za utakmice i za treninge. Važno je i to da trener ima slobodu u djelovanju. Ne morate da razmišljate o dalekosežnim posljedicama svojih izbora, možete da budete i manje obazrivi“, rekao je on.
Osvajač Llige šampiona sa Čelsijem trenutno zaostaje velikih osam bodova za Bajerom iz Leverkuzena, na 12 kola do kraja.
“Nije bitno da li razumijem odluku kluba ili ne, kao i da li sam srećan zbog nje ili nisam. Ne mislim da sam jedini koji je problem, ali preuzimam svoju odgovornost. Nisam zadovoljan načinom na koji tim igra i nisam zadovoljan već duže vrijeme“, rekao je Tuhel, dva puta ponovši da “nije samo on problem”.
